Graag wil ons net vir die hele span van D’Aria, wat verantwoordelik was vir die ongelooflike Valentine’s aand, baie baie dankie sê.

Ons het gevoel ons stap in ‘n sprokieswereld met ons aankoms! Die kos was ongelooflik (meer as wat ons kon opeet!)
Die komplimentere wyn en water was heerlik op die warm aand en die kelners se diens was voortreflik!

En dan die musiek! Daar is nie woorde om te beskryf hoe pragtig dit was en hoe ons dit geniet het nie!

Baie dankie dat ons dames ons tafel se blomme kon huistoe neem – nou leef die romanse van Valentine’s dag bietjie langer voort in ons huise!

Nogamaals dankie vir ‘n absoluut wonderlike aand en dat julle ons weer kon laat glo in die sprokie van die liefde.

Feesmarkorganiseerder, Stellenberg-gemeente

Ek wil dankie sê vir ñ onvergeetlike Bederf oggend. By ons aankoms was ons soos prinsesse behandel met ñ heerlike koppie koffie en eetdingetjie.

Die gaskunstenaars het my bekoor met die passie en ywer hoe hulle dit aangebied het. Met ñ lied in my hart het ek D’Aria gister verlaat.

Dit is vir ons as Seniors ñ riem onder die hart dat daar sulke geleenthede vir ons gebied word. Ja, soos Kaleidoskoop genoem het, ons Senior se stemme word nie meer gehoor of inag geneem nie, want ons is “outyds”. Julle het ons gister weer laat “jonk” voel en met ñ huppel laat loop.

Seënwense vir julle wonderlike naaste diens.